Galicia conta desde este luns con seis novos restaurantes cun Sol Guía Repsol: ‘Terreo Cocina Casual’ e ‘Eclectic’, ambos situados na cidade da Coruña, ‘O’ fragón’ (Fisterra), ‘Balarés’ (Ponteceso) e ‘Simpar’ (Santiago de Compostela), e un en Lugo, o restaurante ‘Javier Montero’, de Ribadeo. O Auditorio e Palacio de Congresos El Batel de Cartaxena reuniu nunha emotiva e divertida gala aos mellores cociñeiros e cociñeiras do país onde se desvelaron os novos restaurantes con esta distinción.
Con estas novas incorporacións, a comunidade suma un total de 40 restaurantes galardoados: 25 cun Sol, 13 con dous e dous con tres.
A gastronomía vive un intenso idilio cunha sociedade con ganas de apurar o momento. Cociñas cegadoras e urbanitas, barras luminosas que despuntan en mercados, o regreso ao barrio da infancia e brasas acesas que che conducen ata lugares recónditos compoñen un apetecible escenario, onde novos proxectos expándense por toda España cunha visión máis conciliadora e sostible de entender a gastronomía. Un ano brillante que se constata co recoñecemento de 98 novos Soles Guía Repsol 2024.
María Ritter, directora de Guía Repsol, recalcou durante o acto “o entusiasmo dos cociñeiros españois por indagar en receitas e ingredientes para que a experiencia resulte inesquecible”.
Fran Insua e Sefa Insua, O’ fragón (Fisterra)
Guía Repsol tamén recoñeceu a sustentabilidade do restaurante da chef Lucía Freitas A Tafona, en Santiago, que xa conta con dous soles e que este ano recibiu o Premio Sol Sostible.
O uso responsable de materias primas e a xestión enerxética eficiente son os eixos principais destes premios que, por cuarto ano consecutivo, recoñecen a sustentabilidade de catro cociñas con enfoques e en territorios moi diversos.
Coas novas incorporacións, un total de 764 restaurantes forman o universo de Soles Guía Repsol (44 Tres Soles, 168 Dous Soles e 552 Un Sol) e 1.453 Recomendados (con 271 novidades). Cataluña (115), Comunidade de Madrid (101), Euskadi (71), Andalucía (74), Comunidade Valenciana (60) e Castela e León (59) son as rexións con máis Soles.
Deixa unha resposta