Os Soles da Guía Repsol son un dos recoñecementos máis prestixiosos no mundo da gastronomía. Este ano as distincións foron para o restaurante Omakase, localizado na praza María Pita da Coruña, e Terra, un local en Fisterra no Paseo Ribeira. Reciben o seu segundo galardón O Camiño do Inglés, en Ferrol, e O Pazo, en Padrón, o que os consolida como uns dos mellores restaurantes da península.
Omakase, unha palabra xaponesa que significa “elección do chef”, é un establemento que ten un único menú pechado. É unha barra limitada a só oito comensais e baséase en preparacións sinxelas, un sushi “purista” e sushi edomae, explican dende Repsol. O sushiman Adrían Figueroa emprega principalmente produtos galegos e, segundo indica a compañía, “non convén perderse as suxerencias extras de cada día e a notable bodega que reúne dous centenares de referencias”.
Brais Pichel de Terra. Foto: Repsol
Brais Pichel transformou o negocio familiar nun restaurante de cociña contemporánea do país e fundou Terra xunto a Nacho Manzano, de Casa Marcial, e Álvaro Garrido, de Mina. Está diante da praia de Ribeira e Repsol comunica que “elabora intensos fondos como fío conductor dunha proposta que só desfruta unha quincena de comensais en cada servizo”, saltándose parte dos “mil sabrosos tópicos relativos ao tratamento de peixe e mariscos da Costa da Morte“. Todo isto, con “atinados tempos de execución”.
Dani López de O Camiño do Inglés. Foto: Repsol
Óscar e Manuel Vidal, de Pazo. Foto: Repsol
Deixa unha resposta