Javier Olleros, elixido Cociñeiro do Ano en Madrid Fusión

O chef de Culler de Pau, recoñecido xunto a outro sete “activistas do verde” polo seu compromiso co medio ambiente

Javier Olleros.

Novo premio para Javier Olleros. O chef galego, distinguido en 2020 con Tres Soles Repsol e dúas Estrelas Michelin, foi recoñecido este mércores en Madrid Fusión, que se celebra estes días, co título de Cociñeiro do Ano polo seu compromiso co medio ambiente, que comparte con outro sete “activistas do verde”.

O presidente de Madrid Fusión, José Carlos Capel, anunciou o nome dos premiados, dos que destacou o seu defensa de “a gastronomía circular e as raíces dos pratos”. O seu labor está a deixar de ser “exemplo para empezar a ser tendencia”, engadiu. Os premiados son, ademais de Olleros, Andoni L. Aduriz, Rodrigo de la Calle, Ricard Camarena, Ignacio Echapresto, Fernando del Cerro e Luis Callealta. Uns “activistas do verde”, que, “viron todas as posibilidades gastronómicas do mundo vexetal e puxérono en valor”.

O chef de Culler de Pau foi un dos primeiros cociñeiros de España en construír o seu proxecto sobre a sustentabilidade, un concepto moi integrado nos debates actuais, pero non tanto fai máis dunha década, como destaca Madrid Fusión. Culler de Pau naceu cos valores da sustentabilidade asimilándoa como parte da súa dinámica. Nos seus 11 anos de traxectoria, a gran acollida da crítica, os premios recibidos e o debate de como serán os modelos de negocio do futuro falan do acerto desus premisas.

O propio Olleros, que participou como relator no evento, expresou para Madrid Fusión o seu concepto de sustentabilidade. “Es unha actitude, unha forma de camiñar cara a ser máis responsables. O restaurante non é sustentable 100% aínda porque para selo e darlle valor de verdade á palabra hai que ser 100% autosuficiente. Pero é o principio do que partiu, a razón pola que quixemos que se integrase na paisaxe e no que estamos a traballar sempre”.

“Creemos que a forma de falar de sustentabilidade é coa acción, coa dinámica, co movemento que ten Culler de Pau desde que empeza a funcionar ás 8:00 da mañá indo ao mercado ata que pechamos a porta. Traballamos coa horta, co aproveitamento dos recursos, coa compostaxe, coa orde dos espazos e non nos esquecemos nunca de que, para falar de sustentabilidade, hai que falar de tres aspectos: ambiental, económico e social”, engadiu o cociñeiro galego.

Deixa unha resposta

O teu enderezo electrónico non se publicará Os campos obrigatorios están marcados con *