Ensalada rusa, pescada, peitugas supercrocantes… Outras tres receitas exprés de Pepe Solla

O coñecido chef comparte novas preparacións tan sinxelas como efectivas

Pepe Solla, na preparación da pescada

O chef galego Pepe Solla segue aproveitando as redes sociais para compartir cos seus seguidores e cos do festival Portamérica —no que participa como comisario do ShowRocking— algunhas receitas sinxelas pero efectivas, fáciles de preparar en tempos de confinamento. Nesta ocasión, propón unhas peitugas extracrocantes, unha pescada con encurtidos e unha ensalada rusa de bonito exprés. Sempre con boa música de fondo, como é habitual nel, o popular cociñeiro resume en pequenos vídeos unhas preparacións que teñen o éxito asegurado.

Se anteriormente meteuse na cociña para compartir a preparación dunhas torradas con amorodos, ceviche de navallas en conserva e ollos con anchoas e mostaza, nesta ocasión avoga novamente por pratos baseados con condimentos fáciles de conseguir no supermercado. En apenas seis ou sete minutos, os pratos están listos para servir. Estas son as súas novas propostas:

Peitugas extracrocantes

Ingredientes:

  • Peitugas de polo
  • Soia
  • Aceite
  • Corn-flakes
  • Berros
  • Alcaparróns
  • Salsa valentina
  • Maionesa
  • Pementa
  • Sal
  • Aceite

Trátase dunha receita de Begoña Rodrigo, do restaurante La Salita de Valencia, “para poñer máis crunch na vida”. O rebozado faise utilizando corn-flakes, ou outra mezcla de cereales para o almorzó abundante en millo. A peituga de polo mergúllase nunha mestura de aceite e soia, aproximadamente ao 50%, na que estará marinando durante tras días na neveira, dándolle algunha volta de cando en vez. Á hora de cociñar, a peituga sécase nun pouco de papel de cociña e rebózase nos corn-flakes ben triturados. Con isto faise un rebozado superfino e superbó, e moi crocante.

Non fai falta pasalo por ovo. Rebózase sen exceso e déixase na tixola con aceite quente. Mentres tanto, prepárase unha salxa con maionesa e  valentina, que lle dará un sabor picante. Un chorrito de maionesa e un par de cucharadiñas de maionesa é suficiente, ante de pasar pola batedora.

Aparte, aderézanse uns berros cun pouco de zume de lima, combinación entre acidez e picante que é fundamental, e añádese pementa, sal e aceite.

Agora, a peituga retírase e déixase repousar un pouco sobre o papel de cociña. Córtanse uns alcaparróns, que lle dan un punto amargo e de acidez. Córtase a peituga, que aínda que pareza un pouco crúa por dentro, mantén o punto grazas a soia. “É un sabor delicado e saboroso”, garantiza o chef. Non necesita sal, xa que curou coa soia.

Bótase por encima a salsa e os  berros, e listo. Supersencilla e superrica. Todo iso, con música de fondo de León Benavente, que está no cartel de  Portamérica.

Ensalada rusa de bonito exprés

Ingredientes:

  • Unha lata de barriga de bonito
  • Un ollo
  • Un tomate
  • Alcaparras
  • Olivas negras
  • Pementa negra
  • Mostaza
  • Maionesa
  • Tabasco verde
  • Albáfega
  • Aceite
  • Sal

É un prato rápido pero rico. Córtase un ollo nunha xuliana moi finita e pícase un tomate en dadiños. Mestúrase todo e engádense as alcaparras. Tamén se engaden unhas olivas negras un pouco picadiñas e millo cocido. Ábrese unha lata de barriga de bonito, aprovéitase o aceite e engádese tamén. Aderézase cun pouco de pementa recentemente moída, algo de sal, un toque de tabasco verde xeneroso, un pouco de mostaza e maionesa. Todo isto revólvese.

E por último, un pequeno toque de albáfega. Non necesita vinagre, que xa vai nas alcaparras e na mostaza. E xa está lista a ensalada rusa exprés. Pódese arrefriar un intre na neveira para que estea mellor.

Solla prepara o plato mentres soa Amaro Ferreiro, tamén no cartel de  Portamérica.

Pescada con  encurtidos

Ingredientes:

  • Pescada
  • Fariña de garavanzo
  • Curry
  • Xenxibre en po
  • Encurtidos (alcaparras, cebolliñas e  pepinillos)
  • Xema de ovo
  • Maionesa
  • Berros
  • Lima
  • Aceite

É unha receita que dedica a Francisco Paniego, no cartel do Showrocking de Portamérica, e que, como recorda Solla, fai unha pescada frita excepcional. Utiliza nesta homenaxe a Paniego unha pescada de Celeiro, que estivo previamente un par de horas en salmoira: auga, sal e leituga de mar triturada —opcional, xa que non será fácil de conseguir—. Antes de botar na tixola, sécase só un pouco

Pepe Solla propón para rebozar fariña de garavanzo e sen ovo, ao que se lle engade un pouco de curry e xenxibre en po, para lograr un sabor distinto. É importante que o aceite estea quente ao principio. Repousa despois en papel de cociña, para absorber o aceite.

Aparte, cóllense os  encurtidos —alcaparras,  cebolliñas e  pepinillo— cun pouquiño de líquido que se bota nunha xema de ovo. Pícanse os encurtidos e engádeselles un pouco de maionesa, para facer unha boa crema. E noutro recipiente, bátese a xema dun ovo coa auga de encurtidos e un pouco de pementa, para que quede unha salsiña moi cremosa.

Aderézanse aparte uns  berros con lima e cun chorriño de aceite. E agora móntase todo no prato. Primeiro a crema de  encurtidos, encima a pescada e encima a salsa do ovo, sobre todo a parte espumosa. Engádenselle os berros aderezados e xa está listo.

É unha receita sinxela, inspirada en Paniego e acompañada con música de Eladio y Los Seres Queridos, outro grupo portamericano.

Deixa unha resposta

O teu enderezo electrónico non se publicará Os campos obrigatorios están marcados con *