Como se deben confeccionar os nosos pratos para que sexan hormonalmente equilibrados e saudables? A doutora en Nutrición Amil López ofrece neste videoconsello unha serie de pautas que resultan básicas para que isto suceda.
A primeira pauta consiste en dividir o prato en tres. Como explica na sección Xantar Coherente, cada terzo de prato podemos representalo polo tamaño dunha man. Un terzo do prato vai incluír a proteína favorable, que pode ser carne, peixe, legumes, ou se es vexetariano, derivados da soia, como o tofu, tempeh, seitán ou soia texturizada. Despois é a quenda das guarnicións favorables: legumes, saladas, verduras… Isto debería corresponder a dúas mans, é dicir, dous terzos do prato. Pero se a guarnición é menos favorable: pasta, arroz, patacas, nese caso sería só unha man, só un terzo.
A autora da Dieta Coherente asegura que desta forma equilibramos a hormona insulina, que é a hormona responsable do metabolismo, da tendencia a ter inflamacións e a desenvolver patoloxías, e tamén a que favorece a acumulación de graxa corporal e o sobrepeso.
Tamén recomenda a experta en nutrición que as ceas sexan máis lixeiras que as comidas, porque a insulina ao longo do día fai unha curva na que ás doce do mediodía está moi activa e metabolizamos mellor os hidratos de carbono, pero a partir das sete ou oito da tarde, a súa actividade diminúe moito. Ademais, é mellor tomar guarnicións a base de legumes ou vexetais, porque se tomamos pasta, arroz ou patacas, son máis difíciles de metabolizar.
Deixa unha resposta