Beatriz Sotelo: empanada de xoubas feita como na casa

Beatriz Sotelo é unha das grandes estrelas da nosa cociña. Na serie Estrelas Saudables, unha sección na que cociñeiras galegas que foron distinguidas cunha estrela Michelin preparan os seus pratos máis sas, trae unha empanada de xoubas feita como na casa. A empanada é como a “receita maxistral” da gastronomía galega. asegura a chef do Illas Gabeiras de Ferrol. É un prato sinxelo, humilde, moi socorrido, que acepta moitísimas opcións e que lle gusta a todo o mundo. E é que a empanada sempre estivo aí en Galicia.

As pautas da cociñeira de Ardán comezan por realizar unha masa de empanada ao modo tradicional. Amasando durante moito tempo para que todos os ingredientes queden ben unidos. Poderíase dicir que o segredo está na masa e, como todo na vida, en facela con moito agarimo. Estando en Galicia, a calidade dos produtos que usemos para o recheo está garantida! O resultado ha de ser cun ton avermellado debido ao aceite da allada.

Para a zaragallada, cortamos o pemento e a cebola á xuliana fina, poñer a pochar en abundante aceite con sal, allo e loureiro ata que os ingredientes queden ben reafogados. Unha vez realizado isto, engadiremos tomate triturado, un pouco de viño branco e deixaremos reducir.

Retirado do lume engadiremos dúas culleradas de pemento da Vera. Deixar arrefriar antes de encher a empanada, para evitar o  reblandecemento da masa. Unha vez repousada a masa estirar, cubrir coa zaragallada e o recheo desexado que pode ser mexillón, zamburiña, ou as xoubas que eliximos para esta ocasión. As xoubas sen son pequeniñas mellor para poder poñelas enteiras pero sobre todo moi fresquiñas. Despois debemos cubrir con outra tapa de masa, pincelar con aceite da zaragallada e ovo, enfornar a 190 graos durante 30 minutos.

Importante o consello final que da a primeira muller que conseguiu o premio ao mellor cociñeiro do ano: deixar arrefriar ben o recheo antes de poñelo sobre a masa e escorrer ben o aceite e a auga que solta a cebola e o resto dos vexetais ao cociñalos. Así teremos una empanada de xoubas ou parrochas feita como na casa.

Ingredientes:

Para a masa:

• Aceite de allada 220  gr.
• Fariña 500  gr.
• Masa nai 75  gr.
• 1 Ovo
• Sal 10  gr.
• Leite 220 gr.
• Pemento  5  gr.