Estrella Galicia homenaxea ás Illas Cíes nunha edición especial

Únese a unha serie de deseños que a cervexeira realiza con motivos alusivos a tradicións, eventos ou festexos de gran arraigamento

Estrella Galicia homenaxea ás Illas Cíes nunha edición especial

Estrella Galicia acaba de lanzar ao mercado unha edición especial de botellas que rende homenaxe ás Illas Cíes co obxectivo, informa a compañía nun comunicado, de promocionar e poñer en valor este paraíso natural de Galicia.

As Illas Cíes, lembra a cervexeira, foron declaradas Parque Natural en 1980. Neste paraíso virxe destaca a Praia de Rodas, elixida como a ‘mellor praia do mundo’ polo prestixioso diario británico The Guardian. Trátase dun territorio que require un coidado especial para que as próximas xeracións poidan seguir gozándoas de forma responsable. Apoiar a candidatura das illas Cíes a Patrimonio da Humanidade é a mellor forma de mostrar ao mundo una das mil marabillas de Galicia”, lese nunha etiqueta da botella sobre unha fotografía da silueta do arquipélago. Outra etiqueta, a do colo da botella, anima aos consumidores para votar pola candidatura ‘Cíes, Patrimonio da Humanidade’.

As etiquetas amosan o seu apoio a candidatura das Illas Cíes a Patrimonio da Humanidade

As etiquetas desta edición especial de Estrella Galicia locen así un idílico atardecer nestas illas que poderá verse desde hoxe en locais de hostalería de todo o territorio nacional ata fin de existencias. A cervexeira puxo no mercado ao redor de 20 millóns de botellas con esta imaxe nos formatos de 20 e 33  cl., todos eles  retornables.

Esta edición personalizada de Estrella Galicia sobre as Illas Cíes únese a unha serie de deseños que a cervexeira vén realizando con motivos alusivos a tradicións, eventos ou festexos de gran arraigamento social e popular no noso país, para render así homenaxe a emblemas cos que comparte valores como é neste caso a preocupación pola preservación dunha contorna natural de gran beleza caracterizado polo seu excepcional medio mariño, a súa fauna, a súa flora e o seu patrimonio cultural e histórico.

Deixa unha resposta

O teu enderezo electrónico non se publicará Os campos obrigatorios están marcados con *